mandag 27. september 2010

Tunvall på Sande

Søndag 26.09.10 utforska vi ein liten trimtur som eg lenge har tenkt eg skulle prøve ut. Turen gir nemleg poeng i Gaular IL sin fjelltrim, og eg var litt nysgjerrig på kva tur dette var. Turen er ein del av den gamle vegen frå Sande til Førde, og vart lagt ned rundt 1900.

Turen startar ca. 1 km nordvest for Sande sentrum i retning Førde. I starten er det god grusveg, og eg var interessert i å sjekke ut trilleturfaktoren. Men den gode grusvegen gjekk berre fram til nokre kraftlinjer eit par hundre meter lenger framme. Deretter vart vegen godt graskledd, men eg tenkte at vi går no så langt vi kjem. Eit lite stykke etter, kom vi til eit skilt der det sto at det berre var 0,7 km til målet, men ikkje lenge etter måtte vi parkere barnevogna. Så dessverre kan ikkje dette tilråast som noko trilletur.

Men fram til målet ville vi, og Sanna Oliva fekk prøve seg på å gå sjølv eit godt stykke av vegen, men inni mellom fekk ho lov til å kome opp i armane til mamma for å kvile seg litt. Vi tok oss fram til målet, og fann gamle restar av ein husmannsplass som tilhøyrde garden Sande. Husmannsplassen vart lagt ned rundt 1930.

Inni ein av murane, fann vi fjelltrim-boka der vi kunne skrive oss inn. Turen gir oss 2 poeng i Gaular IL sin fjelltrim.

Ein veldig lett tur på ca. 1,5 km èin veg, og eignar seg godt dersom små barn skal lære seg til å gå i litt ulendt terreng, og vel framme er det ein fin plass å tenne bål for å grille pølser, lage pinnebrød eller anna. Vi kunne også gått vidare på vegen, og etter 1 km ville vi, i følgje skiltet, komt attende på E 39 i retning Myrmel:




Eit kartutsnitt frå http://www.ut.no/ som viser turområdet:

1 kommentar:

  1. Heisann Liv Janne! Flotte turer! Det høres ut til at du er ganske så sprek ennå, heldig du :) Fantastisk flott vær for tiden, så jeg er skikkelig lysten på fjellet for å nyte vakker natur i nydelig høststemning. Det er ikke dette "skroget" med på lenger dessverre, så jeg må holde meg i ro i lavlandet, sukk! :P

    Håper det står bra til med deg & magen også :) Hilsen Eli Kristin.

    SvarSlett

Eg vert veldig glad om du har lyst til å leggje igjen ein kommentar når du har vore innom bloggen min! Og kom gjerne med spørsmål om turar og turmål :)!