Må innrømme at det har vore noko slapt på turfronten både på før- og etterjulsvinteren. Før jul var det stort sett for kaldt å trille med ein liten nyfødd gut, og i januar var det mykje snø og slaps som gjorde det vanskeleg å kome seg fram med barnevogn. Men no har eg endeleg kome litt i siget igjen, og har den siste veka vore ute på daglege turar. Det har blitt mest turar i nærområdet og i relativt flatt terreng, men dei to siste dagane har eg tatt trilleturen frå avkøyrsla til Klopstad i Erdalen (ved Rv 5 mellom Førde og Naustdal) og opp forbi bossplassen i Hesjedalen og vidare inn mot Åsedalen. Og det skal seiast at 45 minutt i motbakke med barnevogn er god trening, både for kondisjon og for musklar i mage, rumpe og lår! Vegen frå bossplassen og over til Åsedalen, er privat veg og ein må derfor betale bomavgift for å køyre der. Men som de ser av biletet, så er det heldigvis ikkje bomavgift for barnevogner :)!
Denne gongen gjekk eg altså frå Rv 5 og opp til bossplassen/Klopstad, men eg har tidlegare skrive om trilletur frå Klopstad til Kleppstølen, klikk her. I tillegg har eg også skrive om trilletur i Åsedalen, klikk her.
Og no håpar eg at trilleforma og -lysta er kome såpass på plass, at eg held oppe motivasjonen til å ta trilleturar sjølv om det no er meldt mildvær og nedbør igjen.
He-he, godt det ikke er avgifter på det også siden det må rå muskelkraft til for å komme frem :) Kjekt å finne litt turløyper for barnevogner også, kjedelig med bare flatt terreng eller asfalt i nærheten. Har ikke bæremeis, men vurderer å kjøpe Bergans for å nyte våren med snuppa på ryggen. Høres ut til at du er komt inn i en god tur-modus, så bare kjør på været til tross. Her er det snø og kald, sur vind i dag. Skal på trilletur senere ;)
SvarSlettKos dere og se frem til mange flotte turopplevelser fremover!
Eli Kristin