Enkelte går stort sett berre på det same fjellet heile tida, og er ikkje særleg interessert i nye turmål. Eg synast dette blir noko kjedeleg og likar variasjon. Eller for å seie det slik: eg blir ikkje veldig imponert over dei som har 400 turar på Hafstadfjellet i løpet av eit år! Då går du først og fremst for å trene, og ikkje for naturopplevinga! Samstundes vil vel nokre hevde at vi er i overmåte ivrige på å oppsøkje nye turmål! Men eg likar å utforske og utvide kjennskapen i dei ulike turområda.
I dag tok eg med meg Bendik Matias og erobra eitt, for meg, nytt turmål. Toppen har falt i bakleksa i forhold til dei meir kjende naboane, Fauskevarden og Fureviknipa, men den ligg slett ikkje noko tilbake for dei, reint utsiktsmessig!
Startpunkt: Køyr frå Førde og mot Askvoll, og forbi skisenteret i Blomlia. Parker på utkøyrsla til høgre ved Nordheiatunellen. (På venstre sida startar turen til Fauskevarden).
Du finn ein tydeleg sti i starten, men denne kjem og forsvinn litt når du går i det mest myrete terrenget. Men det er berre å setje kursen i den retninga toppen ligg, så kjem du uansett fram! For min del kom og gjekk stien med jamne mellomrom, men det var lite problem. Og etter ca. 30 minutt så var vi oppe:)
Det var eit flott hei-terreng, så toppen ber namnet sitt med rette. Nydeleg å vandre rundt oppe på heia! Storehesten og Heileberget kneisa midt i mot, og god utsikt over Førdefjorden frå Naustdal og utover. Gjekk du 10 min vidare utover, kom du på Djupviknipa, der du fekk endå meir føling med fjorden.
Så neste gong du har tenkt deg på Fauskevarden, så kryss heller vegen og gå på Nordheia i staden - for forandringa si skuld! :)
Og ja: her er det også ei bok i varden som du kan signere i!
Helt enig med deg! :D Jeg skjønner ikke dem som bare går de samme turene. Variasjon er tingen, uansett om det er for treningen eller opplevelsen sin skyld!!
SvarSlettFlotte turer det her også. Har ikke hørt om dem før, men de ligger litt i dalstrøka innafor, he-he!
Nyt søndagen!
En sniktitt innom bloggen for å hente inspirasjon til nye turer :)
SvarSlettDenne helgen har vi vært på Midsund og gått på Digergubben. Skal se om jeg får tid til å blogge om den en av de første dagene. I morgen skal jeg og min mann på fjelltur, så spørs om jeg får ta med den i samme innlegget.
Ha en fin dag :)
Hei, er gravid i 33 veke og denne turen var heilt perfekt med tanke på kor bratt det var òg lengde. Dermed lurer eg på om du har du lignande turer å anbefale her i distriktet?
SvarSlettHei - så kjekt at turen passa. Gjekk sjølv på fjelltur heilt fram til fødselane, men var vel og merke utan nevneverdige plager. Viss du ikkje vil ha for mykje bratt stigning, er Botnavatnet i Angedalen ein fin tur. Kletten i Naustdal om du køyrer opp forbi byggefeltet og startar der. Det er det også fint å gå til Svistølen. Postvegen på Reset til Hafstadstølen eller Kalsetvatnet. Norddalen på Holsen er veldig flott - fin stølsgrend med utsikt over bygda. Der er bygd skogsveg som du kan køyre eit stykke på. For å nemne noko ;) Har fleire tips til trilleturer når du kjem så langt :) Lukke til@
Slett