Geiranger (3) - Keipen (1379 moh) frå Homlong

Steffen Ben bloggar:

Denne turen til Keipen er den tredje og siste turen denne langhelga for oss to turkompisane - og dannar siste hjørnet i trekanten av fjelltoppar vi gjekk, med Geiranger sentrum som tenkt origo. Som dei to andre toppane vi har vore på her,  gjev også denne kjempeutsikt over verdsarven kring Geiranger. Her får vi sett Geiranger frå sør - og likt dei to andre toppane, passerer vi fleire flotte stølar og kulturlandskap langs med.

Les også om dei andre to turane våre i Geiranger denne weekenden:

• Vinsåshornet (1343 moh), aust for Geiranger sentrum
• Geitfonnegga (1453 moh) vest for Geiranger sentrum

Nesten oppe på toppen av Keipen (1379 moh) - berre 50 meter klyving att.
Skagedalsvatnet til høgre.

Start: 
Frå Geiranger sentrum køyrer ein ut langs sørsida av fjorden, til vegs ende ved campingplassen på Homlong. Frå Homlong i slakk stigning på merka sti til Homlongsætra, om lag 3 km ut langs sørsida av fjorden. Dette er ein idyllisk støl, med panorama over til gårsdagens turmål - Geitfonnegga på nordsida av fjorden.

Her går den merka stien vidare til venstre, først ganske bratt opp, men så slakkare fram til neste støl - den naturskjønne Skagedalssætra. Her har ein også ei fantastisk skode mot midtre delar av Geirangerfjorden og mot Knivsflå og dei sju søstrene.

Frå Skagedalssætra svingar stien atter til venstre og passe slakt fram Skagedalen. Kring halvveges opp til Skagedalsvatnet deler atter stien seg. Vidare rett fram kjem ein etter kring 1 km opp til sjølve Skagedalsvatnet. Dit skulle ikkje vi, så vi tok nok ved stidele nok ein gong til venstre. Vi går så opp på ryggen, og vidare austover på denne i retning toppen av Keipen. 

Dei siste 50 metrane frå ryggen og opp på sjølve toppen på Keipen, består i litt luftig klyving, men ikkje verre enn at det bør gå for dei aller fleste. Herfrå fantastisk utsikt nordover og rett ned i Geiranger sentrum - eller sørover til Skagedalsvatnet og kringliggjande fjell. 

Litteraturen opererer med kring 4 timar gangtid opp til toppen, samla distanse kring 16 km. 

Ruta teikna inn på foto. Geiranger sentrum i bukta til venstre. Start på Homlong (t.v) - Homlongsætra midt i biletet - Skagedalssætra til høgre  -  og fjelltoppen Keipen (1379 moh) oppe i biletet

Nedanfor: Vi er i gang på turen frå Homlong; fin-fin utsikt inn mot Geiranger sentrum og Cruisetrafikken på fjorden. To dagar tidlegare var vi på toppen midt i biletet - Vinsåshornet

Framme på Homlongsætra (544 moh); fleire fint vørdsla sel. Herfrå tek stien av til venstre mot Skagedalssætra

Ikkje noko å seie på temperaturen denne dagen;
Oddbjørn (t.v) og Steffen Ben på Homlongsætra

Nedanfor: Avstanden frå Homlungsætra og til Skagedalssætra er høgst overkommeleg, kring 1,5 km. Utsikta vestover Geirangerfjorden blir også flott herfrå.

Snart framme på Skagedalssætra - utsikt utover Geirangerfjorden.

Vel oppe på Skagedalssætra opnar dalen seg, og gjev ypparleg utsyn vestover Geirangerfjorden
Bak i biletet er Skagedalen og mot Blåhornet (1667 moh)  (t.v)

Verda er ikkje stor; jau var det "Førdefolk" å sjå i sela her i Geiranger og...

Keipen sett frå Skagedalssætra.
Materialvalet på sela på Skagedalssætra er fleire: Treverk, støypte sel og
sel bygd i naturstein.

Oddbjørn gjekk seg på optikaren sin i Førde - på Skagedalssætra

Frå Skagedalssætra tar ein til venstre i retning Skagedalsvatnet. Halvegs framme til dette er det skilta der ein tar av frå stien mot vatnet, og opp til venstre i lia mot ryggen, mot Keipen. 

Ein matbit må til ved sti-dele i Skagadalen.
Keipen over hovudet på Steffen Ben

Frå oppstigninga frå Skagedalen mot ryggen  mot Keipen

Nedanfor: Vi er komne opp på ryggen som gjev lett tilgjenge mot "gelètoppen" Keipen

Keipen oppe i himmelsjå t.v., Skagedalsvatnet til høgre

Oddbjørn konstaterer at vi snart er framme

Vêret vesna noko, det gjekk regnbyger i området og tåka kom sigande her og der.

Skagedalsvatnet

50 meter med klyving no, så er vi oppe på Keipen

Attersyn frå Keipen mot egga vi følgde
mot toppen

Oppe på Keipen!

Ørnesvingane

Geiranger sentrum sett frå toppen

Frå ryggen opp mot Keipen  - Smånipene - ser ein over  fjorden til gårsdagens turmål på nordsida av fjorden;
Geitfonnegga (t.v)

Ein kan kaste eplet sitt ned på Cruisebåtane i hamnebassenget
i Geiranger frå varden på Keipen

...men vi må nedatt til bilen - og heim til Førde... 3 uforgløymelege toppturdagar i Geiranger er over...

Parti aust for Skagedalssætra