tirsdag 9. mai 2017

Fjordalangs frå Solvorn til Nyre

Vakre Lustrafjorden: Å vandre fjordalangs kan vere like fint som å gå på topptur!

Mai er tida for dei flottaste toppturane på ski. 
Instagram er fylt opp av bilete av glade skifolk.
Og vi kan bli litt misunnelege.... 

Men ikkje alle kan gå på ski av ulike grunnar, 
og slett ikkje alle likar å gå på ski! 
Nokre er kanskje også lei av skisesongen, 
og ynskjer å ta beina fatt. 

Sidan snøen framleis ligg på fjelltoppane, 
er det avgrensa kor høgt det er kjekt å gå til fots. 
Så kvifor ikkje nytte høve til å ta nokre vandringar fjordalangs i staden?

Langs veglause strender ved Sognefjorden er det mest populære innlegget på bloggen. Men det finnast også mange andre fine vandringar fjordalangs ved Sognefjorden. 

Berre èin liten bakke!
I helga testa vi ut stien langs Lustrafjorden frå Solvorn til Nyre
Turen er knappe 3 km ein veg med start frå kaia på Solvorn. 
Med unntak av ein bratt bakke i starten (Kleivabakken), går turen i lett terreng med ein høgdeskilnad på 20 meter. 

Stien er ein gamal buførings- og slåtteveg, og har mange flotte viker og svaberg. Det er tørt og fint å gå, og er godt eigna for små born. Turen gjev flott utsyn mot Molden (1118 moh), Ornes og Feigumfossen, og innover heile fjorden til Skjolden. 

Om lag halvvegs, etter ca. 1,5 km kjem du til ein fin badeplass som heiter Mosaviki. Tidlegare var det to husmannsplassar og frukthage i Mosaviki. Fram til 1970-talet sto det også eit lite vassdrive sagbruk her. 
Her er det fint å grille, og det er laga disse til ungane, og mange fine berg å klatre i.

Det var mykje barnefamiliar ved Mosaviki denne flotte maidagen. 
Vidare utover passerer du Artnes der du finn restar etter utgraven gravrøys. Mellom Artnes og Djupviki finn ein restar etter Solvorn skyttarlag si eldste skytebane. 

Benken ved Nyre

På Nyre er det slåtteteigar som var i bruk fram til 1960-talet.
Det er også mogeleg å gå vidare utover langs fjorden, og du vil finne ei rekkje gamle slåtteteigar. Desse var svært viktige for småbruka i Solvorn. Det var også fleire små frukthagar langs fjorden.

Ved Nyre er det ein sitjebenk der du kan nyte utsikta innover mot Skjolden, opp på Molden og over til Ornes og Urnes stavkyrkje

Vel attende frå turen er det absolutt å verdt å ta seg ein runde i Solvorn sentrum, kjøpe ein is på Solvornbui, ta ein kaffe i Rosehagen til Walaker hotell og ta ein kikk innom Galleri Walaker 300







Kartutsnitt over turen - registrert med Suunto Ambit 3 Sport

Fleire bilete frå turen: 


Bygda Ornes ligg på andre sida av fjorden - kjent for Urnes stavkyrkje
og Feigumfossen. Det går ferje mellom Solvorn og Ornes. 
Små og store kosa seg på dissa :)





Walaker hotell


3 kommentarer:

  1. For en fin tur! Blir imponert over god tilrettelegging for turgåing i Sogn og fjordane gang på gang. Jeg har faktisk vært på Molden en finværsdag for noen år siden.
    Her snør det i dag, men jeg er glad for alt som kommer ned fra himmelen så tørt som det er.

    Klem

    SvarSlett
  2. Herlige bilder. Så flott turløype langs sjøkanten der! :) Solvorn og Molden er på min etter hvert lange liste over ønskede turmål. Mye flott å se der inne. Takk for info og fin-fine bilder av spreke turfamilien :D

    Fin tursesong videre. Jeg er ikke flink til å legge igjen kommentarer, men følger dere på sosiale medier vet du. Ikke få mil de barneføttene der har lagt bak seg etter hvert :))

    Hilsen fra kysten! ;)

    SvarSlett
  3. Ja, det går fint å gå turer i sjøkanten. Sist sommer gikk vi en kjempefin tur langst elven i Lærdal. Og vi gikk langt. Fine bilder.

    SvarSlett

Eg vert veldig glad om du har lyst til å leggje igjen ein kommentar når du har vore innom bloggen min! Og kom gjerne med spørsmål om turar og turmål :)!